Президент Эрон Туризм вазирлигини ташкил этиш тўғрисидаги фармонни имзолади

Эрон президенти Ҳасан Руҳоний Маданият, туризм ва қўл санъатлари вазирлигини ташкил этиш тўғрисидаги фармонни имзолади ва уни ижро этиш учун Эрон ҳукумати маъмурий ва кадрлар масалалари бўйича ташкилотга юборди. Бу ҳақда Эроннинг «Меҳр» хабар агентлиги хабар бермоқда.

Эрон Конституциясининг 123-моддасига мувофиқ қонун парламентда қабул қилинди ва 5 август куни Конституцияни ҳимоя қилиш кенгаши томонидан маъқулланди. «Янги вазирлик асосий эътиборни чет элдан, асосан минтақадаги мамлакатлардан сайёҳларни жалб қилишга йўналтиради».