Пойтахт туманларидан бирида газ таъминоти вақтинча тўхтатилади
Яшнобод туманида 9 июль куни соат 11:00 дан 18:00 га қадар қуйидаги табиий газ истеъмолчиларига газ таъминоти вақтинчалик тўхтатилади, деб хабар бермоқда Ҳудудгаз пойтахт.
2021-2022 йиллар куз - қиш мавсумига тайёргарлик кўриш мақсадида, Тошкент шаҳар,Яшнобод тумани “Султон Машҳадий” кўчасидаги ер усти Д-108 мм ўрта босимли ва “Паркент” кўчаси, 38 уй олдидаги ер усти Д-76 мм паст босимли газ қувурларидаги газ сизиб чиқиш ҳолатларини бартараф этиш ишлари “Hududgaz Poytaxt” ГТФнинг “Yashnobodtumangaz” газ таъминоти бўлими томонидан 2021 йил 9 июль куни амалга ошириш режалаштирилган. Ушбу ишларни бажаришда 2021 йил 9 июль куни соат 11:00 дан 18:00 га қадар қуйидаги табиий газ истеъмолчиларига газ таъминоти вақтинчалик тўхтатилади.
Аҳоли истеъмолчилари:
“Паркент” кўчасидаги, 6 та кўп қаватли уйлар, 120 та хонадон.
Улгуржи истеъмолчилари:
“Султон Машҳадий” ва “Паркент” кўчаларидаги маиший корхоналар.
“Hududgaz Poytaxt” газ таъминоти филиали таъмирлаш ишлари туфайли газ таъминотидаги вақтинча узилишлар сабабли етказилаётган ноқулайликлар учун аҳоли ва газ истеъмолчиларидан узр сўрайди.