Портлаш: ота ўғлини деб қизини ажалга ташлаб кетди, аммо... (фото)

Лондонлик 61 ёшли Мэтью Линс оғир жудоликка учради.

Якшанба куни у 15 ёшли қизи ва 19 ёшли ўғли Дэниель билан бирга Коломбодаги Shangri-La меҳмонхонаси ресторанига нонушта қилиш учун келади. Буни қарангки, орадан ҳеч қанча вақт ўтмай айнан шу ерда портлаш содир бўлади. Ота икки ўт орасида қолади: ё қизи, ёғи ўғлини қутқариши керак, қайси бирига биринчи ёрдам кўрсатишни билмайди. Кейин эса ўша ердаги аёллардан бири қизига ёрдам беришини айтгач, аҳволи оғирроқ бўлган ўғлини кўтарганча касалхонага шошилади.

Мэтью беҳуш ўғлини ўзига келтиришга уринади, аммо бу самара бермайди. Афсуски, ўғли касалхонада вафот этади.

Шундан сўнг тақдирга тан берган ота портлаш содир бўлган жойга қайтиб, қизини топа олмайди. Кейин эса қизи ҳам ўғли каби ҳалок бўлганини англайди. Ўғлини қутқаришга шошилиб, қизини ташлаб кетган ота якунда иккала фарзандидан ҳам жудо бўлди.

Маълумот учун, Шри-Ланкадаги портлаш оқибатида 321 нафар инсон ҳалок бўлди, 520 дан ортиғи эса жароҳатланди.