Порошенко: "Мен Тимошенко эмасман. Қамоққа олишларига йўл қўймайман"
Бугун Киевга қайтган ва Давлат тергов бюроси (ДТБ) ходимларидан чақирув қоғозини олган Украинанинг собиқ президенти Пётр Порошенко ҳеч кимнинг ўзини панжара ортига қўйишига рухсат бермаслигини айтди.
У ўзини ҳимоя қилиш орқали ўз мамлакати хавфсизлигини таъминлаётганига амин, деб ёзади life.ru.
«Биринчидан, мен панжара ортида ўтирмайман. Иккинчидан, ўзимни қамоққа олишларига йўл қўймайман. Мен Тимошенко эмасман (собиқ бош вазир Юлия Тимошенко. – таҳр). Учинчи позиция — Украинани ҳимоя қилиш учун имкон қадар самарали ҳаракат қиламан. Ўзимни ҳимоя қилган ҳолда, мен Украинани ҳимоя қилаётганимга қатъий ишонаман”, — деди Порошенко.
Эслатиб ўтамиз, 2021 йил 20 декабрь куни Порошенко давлатга хиёнатда айблангани маълум бўлганди. Собиқ президент уни сўроққа чақиришга уриниш бўлгач, Украинани тарк этган. Унинг партияси сиёсатчи гўёки Туркия ва Польшада учрашувларни олдиндан режалаштирганини айтди.
