Порошенко БМТда россияликлар музокара хонаси олдида "фейк-ньюс" дея бақирди
Украина президенти Пётр Порошенко БМТ биносида россиялик журналистларнинг Донбассдаги тинчлик ўрнатиувчи шахслар ҳақидаги саволига жавобан уларга "фейк-ньюс", дея бақирди.
"Россия-24" телеканали журналистлари БМТнинг 73-Бош ассамблеяси давомида норасмий суҳбатлар вақтида сюжет суратга олишаётган бўлган. Ўша вақтда у ерда Украина раҳбари пайдо бўлган.
Телеканал мухбири Порошенкога Донбассга БМТнинг тинчлик ўрнатувчи шахсларини киритиш тўғрисидаги ташаббуси ҳақида савол берган. Шу вақтда президентни бошқа журналистлар ўраб олишган.
Порошенко, шу вақт камерага қарата "фейк-ньюс" дея бақирган ва россиялик делегациялари хонаси билан қўшни бўлган музокаралар ўтказиладиган хона эшиклари ортида ғойиб бўлган, деб ёзади РИА Новости.
Шу билан бирга, айрим ОАВларнинг таъкидига кўра, Украина президенти адашиб БМТдаги Россия делегациялари аъзолари ўтирган хонага кириб қолган ва у ердан 15 сониядан сўнг қайтиб чиққан.
Россия ТИВ раҳбари Сергей Лавровга Порошенко адашиб унинг хонасига киргани ҳақида айтишганида, россиялик дипломат ҳазил тариқасида "Ҳожатхона билан адаштириб қўйган бўлса керак", - деб жавоб қайтарган.
Илгарироқ, Порошенко Нью-Йорк шаҳрида ўтказилаётган БМТ Бош Ассамблеясининг 73-сессиясида европа мамлакатлари етакчилари билан Донбассга тинчлик ўрнатувчи шахсларни юбориш масаласини муҳокама қилган эди.
2018 йил БМТ Бош Ассамблеяси олий даражадаги ҳафталиги доирасида умумсиёсий дебатлар 25 сентябр санасидан 1 октябрга қадар ўтказилади. Россия делегацияси Сергей Лавров бошчилигида ташриф буюрган, дипломат 28 сентябр куни чиқиш қилиши кутилмоқда.
