Покистонда қайиқ ағдарилиб кетиши натижасида 11 нафар бола ҳалок бўлди
Покистоннинг Хайбер-Пахтунхва вилоятининг Коҳат туманида қайиқ ағдарилиб кетди. Дастлабки маълумотларга кўра, 11 бола ҳалок бўлган, 8 нафари бедарак йўқолган.
Маҳаллий матбуотнинг ёзишича, 7 ёшдан 11 ёшгача бўлган мадраса талабалари бўлган қайиқ Танда тўғони яқинидаги сув омборида ағдарилиб кетган.
Полицияга кўра, ғаввослар томонидан қутқарилган олти боланинг аҳволи оғир.
Қидирув-қутқарув ишлари давом этмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).