Покистонда даҳшатли ЙТҲ: Микроавтобус ағдарилиб, ёниб кетиши натижасида 13 киши ҳаётдан кўз юмди
Покистонда йўловчи ташувчи микроавтобус ағдарилиб, ёниб кетиши оқибатида 13 киши вафот этди.
Маълум қилинишича, транспорт воситасида камида 20 нафар йўловчи бўлган. Беш киши жароҳат олиб, касалхонага ётқизилган.
Микроавтобуснинг олдида бўлган автомобиль капоти учиб келаётганини кўрган микроавтобус ҳайдовчиси тормозни босгандан сўнг, автомобиль ағдарилиб кетган. Воқеа жойига полиция ходимлари, ўт ўчирувчилар ва тиббиёт ходимлари етиб келишди.
Маълум қилинишича, йўлнинг ушбу қисмида транспорт ҳаракати тўхтатилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
