Песков Борис Жонсоннинг Путиннинг таҳдидлари ҳақидаги сўзларини ёлғон деб атади

Дмитрий Песков Британия собиқ бош вазири Борис Жонсоннинг Украинада уруш бошланишидан олдин Путин гўёки уни ракеталар билан таҳдид қилгани ҳақидаги сўзларини ёлғон деб атади.

Песковнинг сўзларига кўра, Россия президенти Жонсон билан суҳбатда Украинанинг НАТОга кириши ва ракеталарни Россия чегаралари яқинида жойлаштириш «ҳар қандай ракета Москвага бир неча дақиқада етиб боришини англатишини» қайд этган.

Жонсон BBCнинг «Путин Ғарбга қарши» фильмида Украинада уруш бошланишидан олдин Путин билан гаплашганини айтди. “Бир пайт у менга қандайдир таҳдид қилиб, «Борис, мен сени хафа қилмоқчи эмасман, лекин ракета билан бир дақиқа керак бўлади» ёки шунга ўхшаш деди”, — деди Жонсон Путиннинг сўзларидан иқтибос келтирган ҳолда.