Паспорт тизими қоидаларини бузганлик учун жарима миқдори камайтирилади
Маъмурий жавобгарлик тўғрисидаги кодексда назарда тутилган паспорт тизими қоидаларини бузиш билан боғлиқ жарима миқдори энг кам ойлик иш ҳақининг 10 ва 15 бараваридан 5 ва 10 бараварига камайтирилмоқда.
Бу сенаторлар томонидан маъқулланган “Ўзбекистон Республикасининг айрим қонун ҳужжатларига жамоат тартибини таъминлаш механизмларини такомиллаштиришга қаратилган ўзгартиш ва қўшимчалар киритиш тўғрисида”ги қонунда назарда тутилган.
Ички ишлар вазирлигининг таҳлилларига кўра, паспортини ўз вақтида олмагани учун 2016 йилда 16 минг 104 нафар, 2017 йилда 68 минг 740 нафар вояга етмаган шахс жавобгарликка тортилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
