Озарбайжон хавфсизлик кучлари терактнинг олдини олди

Ҳибсга олинганлар Озарбайжон шимолидаги Хил, Жибир ва Ясаб қишлоқларида ер ости омборлари қуриб, уларда қурол-яроғ, ўқ-дорилар ва портловчи моддалар сақлаган. Бу ҳақда мамлакат Давлат хавфсизлик хизмати (ДХХ) ва Ички ишлар вазирлиги хабар берди.
ОР Қуролли Кучлари махсус хизматлари Гусар туманида халқаро террорчилик ташкилотлари билан алоқадор радикал диний-экстремистик гуруҳ аъзоларини йўқ қилиш бўйича операция ўтказилганини маълум қилди.
“Ўтказилган тезкор-қидирув тадбирлари натижасида гуруҳ аъзолари “Ўрмончи ака-ука” террорчилик гуруҳи фаолиятида иштирок этгани учун муқаддам судланган Гадир Гажиев билан жиноий келишув тузганлиги аниқланди. Юқорида қайд этилган шахслар Гусар тумани ҳудудида террорчилик ҳаракатини режалаштириб, Хил, Жибир, Ясаб қишлоқларини қамраб олган ўрмон ҳудудида ер ости бошпанаси қуриб, у ерда қурол-яроғ, ўқ-дорилар, портловчи моддалар, техник жиҳозлар ва бошқа воситаларни сақлаган”, – вазирлик баёнотида.
Тергов жараёнида жиноий ташкилотга алоқадор шахслар, ташкилот тузилмаси, режалари ва уларнинг фаолиятига оид бошқа далиллар аниқланди.
Дастлабки маълумотларга кўра, жиноятчилар аммиакли селитра, тез ёнувчи торф, детонаторлар, портлатиш шнурларини қонунга хилоф равишда қўлга киритиб, қўлбола портловчи мосламалар ёрдамида меҳмонхоналар ва автоювиш шохобчаларида сақлашган.
Хабар қилинишича, радикал гуруҳнинг бир қисми қўлга олинганда қуролли қаршилик кўрсатган ва шу боис йўқ қилинган. Бундан ташқари, гуруҳнинг олти нафар аъзоси ҳибсга олиниб, уларга Озарбайжон Жиноят кодексининг учта моддаси бўйича айблов қўйилган.
Тергов ва қидирув тадбирлари давом этмоқда.