Отангга балли! Шоҳжаҳон Эргашев Майкл Фоксни мағлуб этиб, IBF International камарини қўлга киритди

15 февраль куни (16 февраль Тошкент вақти билан 09:00) профессионал бокснинг супер енгил (-63,5 кг) вазн тоифасида рингга чиқаётган Шоҳжаҳон Эргашев (15 та жанг, 15 та ғалаба, 14 та нокаут) ўзининг навбатдаги жангини ўтказди.

Унда Шоҳжаҳон америкалик боксчи Майкл Фоксга (19 та жанг, 19 та ғалаба, 5 та нокаут) қарши рингга кўтарилди. Жанг АҚШнинг Канзас штатидаги Канзас Стар аренасида ўтказилди.

IBF International чемпионлик камари учун кечган 10 раунддан иборат мазкур жангда ўзбекистонлик боксчи очколар бўйича америкалик боксчини мағлуб этди.