Оқ уй иттифоқчилар билан ҳаво ҳужумидан мудофаа тизимларини Украинага ўтказиш бўйича иш олиб бораётганини эълон қилди

АҚШ Украинага ҳаво ҳужумидан мудофаа тизимларини қўшимча етказиб бериш масаласида иттифоқчилар билан яқиндан ҳамкорлик қилмоқда, деди Оқ уй матбуот котиби Жон Кирби.

“Биз иттифоқчилар ва ҳамкорлар билан қўшимча замонавий ҳаво ҳужумидан мудофаа тизимларини тақдим этиш масаласида жуда яқин ҳамкорлик қилмоқдамиз”, — дея унинг сўзларидан иқтибос келтиради РИА Новости.

Кирбининг эслатишича, Қўшма Штатлар можаронинг кучайишидан манфаатдор эмас - унинг сўзларига кўра, айнан шу сабаб Вашингтон Киевни узоқ масофага учувчи қуроллар билан таъминлашдан бош тортган.