Она ўлик ҳолда топилди, қизнинг аҳволи оғир. Ўғил эса қўлга олинди

Ҳуқуқ-тартибот идоралари ходимлари Москва ғарбида жойлашган Витебская кўчасидаги кўп қаватли уйда содир бўлган фожиа сабабларини ўрганмоқда.

Москва прокуратураси маълумотларига кўра, 1959 йилда туғилган аёл турар-жойда ўлдирилган, унинг жасадини кўздан кечириш чоғида гавдасида пичоқ жароҳатлари топилган.

Бундан ташқари, унинг 41 ёшли қизи пичоқланган. Жабрланувчи тирик қолди ва тиббий ёрдам учун шифохонага етказилди.

«Маълум бўлишича, воқеа содир бўлган вақтда хонадонда ўлдирилган аёлнинг 33 ёшли ўғли бўлиб, у қўлга олинган», — дейилади бошқармада.

Фавқулодда ҳолат бўйича қўзғатилган иш прокуратура томонидан назоратга олинди.