Олти йилда бир марта ўтказиладиган диний фестивал бошланди

Ҳиндистоннинг Уттар Прадеш штатида энг йирик диний байрамлардан бири Kumbh Mela бошланди. Бу фестивал ҳар олти йилда бир марта ўтказилади, дейди news.bigmir.net .

Маълум бўлишича, бу диний байрамда Оллоҳабад, Ҳаридвар, Ужаин ва Нашик шаҳарларидан келган минглаб зияратчилар иштирок этишади. Ганг, Сангам ва Сипра каби муқаддас сувларда покланишади.

2019 йилда ҳукумат 150 миллионга яқин инсонларнинг келишини тахмин қилмоқда, улардан бир миллиони чет элликлар бўлиши мумкин.

Зиёратчилар учун 600 та оммавий ошхоналар, бир кечалик турар жой ва вақтинчалик кўприклар ташкил этилган.