Олий суд Рашид Қодировга нега "кам муддат" берилганини изоҳлади

Собиқ бош прокурор Рашид Қодировга нега 10 йилгина қамоқ жазоси берилганини Олий суд матбуот хизмати раҳбари Азиз Обидов судланувчининг ёши (67 ёш) билан изоҳлаган. Бу ҳақда "Zad News" телеграм канали ёзмоқда.

Унга кўра, Жиноят кодексининг 50-моддаси 6-қисмида "Озодликдан маҳрум этишга ҳукм қилинаётган аёлларга ҳамда олтмиш ёшдан ошган эркакларга нисбатан тайинланаётган жазо муддати ушбу Кодекс Махсус қисмининг тегишли моддасида назарда тутилган озодликдан маҳрум этиш энг кўп муддатининг учдан икки қисмидан ортиқ бўлиши мумкин эмас"лиги ёзилган.

Азиз Обидовга кўра, Қодировнинг ёши олтмишдан ошгани учун суд унга кам муддат берган. Баёнотда жазо берилмаган бошқа судланувчилар тақдири ҳақида яна маълумот берилмаган.