Олимлар: Эрта турмуш қуриш алкоголизм хавфини оширади
Эрта турмуш қуриш алкоголизм хавфини ошириши мумкин.
Бу ҳақда "Development and Psychopathology" журналида нашр этилишга тайёрланаётган АҚШнинг Виржиния университети тадқиқотчилари томонидан эълон қилинган мақолада маълум қилинди.
Маълумотларга кўра, тадқиқот жараёнида ичликка кучли ружу қўйгани ҳақида мутахассисларга маълум қилган 21-25 ёшгача бўлган мингга яқин инсонлар иштирок этишган.
Натижада маълум бўлишича, спиртли ичимликларни ҳаддан ташқари истеъмол қилганларнинг кўпчилиги эрта турмушга чиққан ёки уйланганлар бўлиб чиққан.
“Никоҳ унга мойиллиги бор одамларда алкоголизм хавфини камайтиришини таъкидлаш қувонарли ҳолат”, дея ҳолатни изоҳлашган мақола муаллифлари.
Бироқ, қайт этилишича, бундан олдин ушбу соҳадаги ўтказилган тадқиқотларнинг барчасида катталарга эътибор қаратилган. Аммо бу сафарги кузатувлар ёшларнинг эрта турмуш қуриши алкоголга бўлган мойиллигини янада кучайтиришини аниқлашга имкон берган.
“Эрта турмуш қурган ёшлар, бу жараёнда эҳтимолки, бир-бирларига яхши маънода таъсир қилишмайди”, дейишмоқда олимлар, айни шу жиҳат руҳий муаммолар ва психоактив моддаларни, шу жумладан, спиртли ичимликларни истеъмол қилиш учун қулай муҳит яратиши мумкинлигини қўшимча қилишар экан.
