"Олиб кирманг": Кореяга кетаётган ўзбекистонликлар жиддий огоҳлантирилди

"Олиб кирманг": Кореяга кетаётган ўзбекистонликлар жиддий огоҳлантирилди

Ўзбекистон Ташқи ишлар вазирлиги Корея Республикасига кетаётган Ўзбекистон фуқароларига огоҳлантириш билан чиқди.

Қайд этилишича, Корея Республикасининг Карантин ҳамда ҳайвон ва ўсимликлар инспекцияси агентлиги мамлакатда Африка чўчқа гриппи ва парранда гриппи тарқалишининг олдини олишга йўналтирилган чора-тадбирлар доирасида жорий йилнинг 1 июнидан бошлаб қуйидаги гўшт маҳсулотларини мамлакатга олиб киришни тақиқлайди:

  • гўшт ва гўшт маҳсулотлари: мол, чўчқа ва товуқ гўштлари,  ветчина, сосиска/колбаса, қуритилган гўшт, пиширилган гўшт, консервалар ва ҳоказо;
  • ҳайвон маҳсулотлари: буғу шохлари, суяклар, патлар ва ҳоказо;
  • сут маҳсулотлари: сут, пишлоқ, ёғ ва ҳоказо;
  • тухум ва тухум маҳсулотлари: товуқ ва қуш тухумлари,  тухум оқи, тухум кукуни ва ҳоказо;
  • уй ҳайвонлари учун озуқа, егулик, озиқ-овқат қўшимчалари ва ҳоказо.

Юқорида қайд этилган гўшт маҳсулотларини Корея Республикасига қонунга хилоф тарзда олиб киришга ҳаракат қилиш 5 млн Корея вони (1 доллар = 1155,57 вон) миқдоридаги жарима солинишига асос бўлади.

Хабарда жаримани тўламаслик мамлакатга 5 йил муддат ичида қайта киришга тақиқ қўйилишига сабаб бўлиши алоҳида таъкидланган.

 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!