Оксана Чусовитина Париж-2024 Олимпиадасига тайёрланишни режалаштирмоқда

Оксана Чусовитина Париж-2024 Олимпиадасига тайёрланишни режалаштирмоқда

Оксана Чусовитина Париж-2024 Олимпиадасига тайёрланишини маълум қилди.

Ўтган йил октябрида Чусовитина катта спортга қайтишини маълум қилган эди. Ўшанда спортчи 2022 йилги Осиё ўйинларига тайёргарлик кўришга қарор қилган эди. Бироқ Хитойнинг Ханчжоу шаҳрида 2022 йил сентябрь ойида бўлиб ўтиши режалаштирилган XIX Осиё ва IV Параосиё ўйинлари номаълум муддатга қолдирилди.

Чусовитина Осиё ўйинларининг қолдирилиши режаларига қандай таъсир кўрсатгани ҳақидаги саволга жавоб берди.

“Бу ҳақида яхшилаб ўйлаб кўрдим ва Осиё ўйинларидан сўнг Париж-2024 Олимпиадасига ҳам тайёрланишга қарор қилдим”, - дейди Оксана Чусовитина.

Айни кунларда спорт гимнастикаси бўйича Ўзбекистон чемпионати бўлиб ўтмоқда. Унда иштирок этган афсонавий гимнастикачи Оксана Чусовитина таяниб сакраш дастурида ғалаба қозониб, ушбу йўналишда тенги йўқ эканини исботлади.

Маълумот учун, Оксана Чусовитина 8 марта Олимпия ўйинларида иштирок этиб, гимнастика тарихи ва “Гиннесснинг рекордлари” китобига киритилган. Агар у Париж-2024 Олимпиадасида ҳам иштирок этадиган бўлса, ўз рекордини яқин давр ичида ҳеч ким яқинлаша олмайдиган қилиб янгилайди. Ўшанда у 49 ёшида бу ишни амалга оширган бўлади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!

Билдирилган фикрлар (3 )

    Ш ..Д
    Булди энди пенсия вактиям тугаяпди Оксана
    Abdul
    Маладес Оксана, только вперед!
    Suxrob_Esonov🌙🇺🇿
    bechora yoshlar