Одамларга сув ташиган подшоҳ

Бани Исроилда бир обид киши бор эди. Унинг жундан тўқилган жуббаси билан одамларга сув ташийдиган мешидан бошқа нарсаси йўқ эди. Ўлими яқинлашгач, у шогирдларига шундай дейди: Бу дунёда устимдаги жубба билан эртанги кун Қиёмат кунига ўзим билан олиб кета олмайдиган мешимни қолдириб кетяпман. Вафот этганимдан кейин уларни фалончи подшоҳга олиб бориб беринглар. У дунёсига қўшиб, буни ҳам ортиб олсин .

Обид вафот этгач, подшоҳга унинг гапларини етказишди. Подшоҳ: Бу обид шу биргина кийим билан мешини у дунёга кўтариб кета олмабди, мен бўлса шунча мол-дунё тўплабман , дебди-да, мешкобнинг гапидан таъсирланиб, унинг жуббасини кийди, мешни олди-да, подшоҳликдан воз кечиб, бир умр одамларга сув ташиб юрди.

Manba: islom.uz