Нью-Йоркка коронавируснинг қаердан кириб келганлиги маълум бўлди

Нью-Йоркдаги коронавирус инфекцияларининг аксарияти Осиёдан эмас, балки Европадан келган, деб ёзади “New York Times”  тегишли тадқиқот натижасига таянган ҳолда.

Таъкидланишича, коронавирус шаҳарда биринчи аниқланган ҳодисадан бир неча ҳафта олдин, яъни февраль ойининг ўрталарида тарқала бошлаган. "Кўп ҳолатлар (аниқланган ҳолатлар) европаликлардир", деди Нью-Йоркдаги Икан тиббиёт мактабининг генетик мутахассиси Харм ван Бакел.

Нашрнинг таъкидлашича, Нью-Йорк университети қошидаги Гроссман тиббиёт мактабининг бир гуруҳ мутахассислари ҳам шунга ўхшаш хулосага келишган. Қайд этиличича, иккала гуруҳ ҳам янги коронавируснинг геномларини март ойининг ўрталарида ўрганишни бошланган.