Нью-Йоркдаги аукционда тираннозавр скелети рекорд нархда сотилди

Сешанба куни Нью-Йоркдаги "Christie's" ким ошди савдосида тираннозавр скелети 31,8 миллион АҚШ доллардан кўпроққа сотилди. 

«Christie's савдо-сотиқ бўйича жаҳон рекордини ўрнатди. «Стэн» номли тираннозавр 31 847 500 АҚШ долларига сотилди», - дейилади хабарда.

Тавсифда кўрсатилгандек, бу тираннозаврнинг энг яхши сақланиб қолган скелетларидан биридир. Унинг 188 та суяги бор. У ҳаваскор палеонтолог Стэн Сэкрисон томонидан 1987 йилда Жанубий Дакотада қазиш ишлари пайтида топилган. Дастлаб, топилма трицератоп ўтхўр ҳайвон динозавр скелетининг бир қисми эканлиги айтилган. Фақат 1992 йилда олимлар у тираннозавр скелети деган хулосага келишди.

Мутахассисларнинг фикрига кўра, тираннозаврнинг оғирлиги 7-8 тоннани ташкил этади, бу катта Африка филининг оғирлигидан икки баравар кўпдир. Тишларнинг узунлиги 27 см дан ортиқ.

Аввалги рекорд 23 йил олдин ўрнатилганди. 1997 йилда тираннозавр скелети Чикагодаги Филд табиат тарихи музейи ким ошди савдосида 8,36 миллион АҚШ долларга сотилган.