Нурсултонда жамоат транспорти ҳаракати бир кунга тўхтатилади

Қозоғистон пойтахти Нурсултон шаҳрида 25 октябрь якшанба куни жамоат транспорти ҳаракати бир кунга буткул тўхтатилади.

Бу ҳақда «Казинформ» агентлиги хабар берди.  Ҳаракат 26 октябрдан қайта тикланади. Бошқа кунлари одатдагидек ишлайди.

«Аҳолини санитария қоидаларига амал қилишга чақирамиз ва автобусга ниқобсиз чиқиш тақиқланганини эслатиб кетамиз. Йўл ҳақи фақат нақдсиз усулда тўланади», деган «City Transportation Systems» вакили.

Қозоғистонда жамоат транспорти ҳар куни дезинфекция қилиняпти. Асосий эътибор йўловчилар кўп тегадиган тутқичлар, турникетлар ва бошқа ашёларга қаратилган. Шунингдек,

Транспорт назорати департаменти ходимлари ҳар куни рейд ўтказиб, йўловчи ва ҳайдовчиларнинг санитария қоидаларига риоя қилишларини текширмоқда.