Нукуслик ота фарзандига алимент ўрнига ўз уйини берди

Нукус туманлараро фуқаролик ишлари бўйича судининг 13.06.2019 йилдаги ижро ҳужжатига асосан қарздор И.Маткаримовдан ундирувчи А.Тажимуратованинг фойдасига бир нафар фарзандининг таъминоти учун иш ҳақи ва бошқа даромадларининг ¼ қисми миқдорида алимент ундириш тўғрисидаги ижро ҳужжати Мажбурий ижро бюроси Нукус шаҳар бўлими иш юритувига келиб тушган.

Мажбурий ижро ҳаракатлари давомида, алимент нафақаси 2020 йилнинг декабрь ойигача мунтазам тўланиб келинган. Лекин, давлат ижрочиларининг бир неча бор огоҳлантиришларига қарамасдан, алимент нафақаси жорий йилнинг январь ойидан бошлаб тўланмай келинган.

Шу сабабли, бўлим ходимлари томонидан қарздорга тўланмаган алимент қарздорлиги учун келиб чиқиши мумкин бўлган ҳуқуқий оқибатлари тушунтирилгандан кейин, қарздор ота алимент қарздорлиги эвазига ўз уйини болаларига бериш истагини билдирган.

Шундан кейин, икки тарафнинг ўзаро келишуви билан, мазкур ижро ҳужжати Ўзбекистон Республикаси Вазирлар Маҳкамасининг 06.10.2018 йилдаги 808-сонли қарорига мувофиқ, қарздор ота фарзандининг вояга етгунига қадар тўланадиган алимент нафақа пўли эвазига, ўз номидаги уйини нотариал тартибда А.Тажимуратованинг номига совға тариқасида расмийлаштириб берди ва натижада, ҳали вояга етмаган фарзандлар ўз уй-жойларига эга бўлишди.