Нукусдаги тартибсизликларда қатнашганликда гумонланиб, неча киши ҳибсга олингани айтилди
Нукусдаги тартибсизликларда қатнашганликда гумонланиб, 500 дан ортиқ фуқаро ҳибсга олинди. Бу ҳақда душанба куни Миллий гвардия Миллий гвардия Ахборот хизмати раҳбари Даврон Жуманазаров маълум қилди.
Унинг таъкидлашича, 1-2 июль кунлари Нукусдаги тартибсизликларда қатнашгани учун воқеа жойларида ушланган 516 нафар фуқаро ички ишлар органларига топширилди.
Суриштирув давомида маъмурий чоралар қўлланилган айрим фуқаролар қўйиб юборилаётгани таъкидланди.
Комендантлик тартибини бузгани учун 110 нафар фуқаро ички ишлар идораларига топширилган. 12 та автотранспорт воситаси жарима майдончасига жойлаштирилди.
Нукус шаҳрида комендантлик режимига риоя қилмаган 58 нафар шахс қўлга олинган, шундан 28 нафарига маъмурий баённома расмийлаштирилди, қолганлари билан профилактик суҳбат ўтказилиб, қўйиб юборилди.
