Нодирбек Абдусатторов Нидерландиядаги мусобақадан кейин FIDE рейтингида 12 поғона кўтарилди
Ўзбекистонлик гроссмейстер Нодирбек Абдусатторов Tata Steel Chess 2023 мусобақасидан кейин FIDE рейтингида катта ўсишга эришди.
Нидерландияда ўтган турнирда Абдусатторов иккинчи ўринни қўлга киритди. У мусобақада тўртта ғалаба, 8 дуранг ва битта мағлубият қайд этди.
Мазкур нуфузли мусобақа якунига кўра Нодирбек FIDE рейтингида 20,5 очко тўплаб, умумий рейтингини 2733,5 га етказди. Абдусатторов бирданига 12 поғонада кўтарилиб, рейтингнинг 18-поғонасидан жой олган.
Аввалроқ 18 ёшли Абдусатторов FIDE рейтингида энг юқори натижа қайд этган ўзбекистонликка айлангани хабар қилинганди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
