Ноанъанавий тери рангига эга бўлган бола рекламада суратга тушиб машҳур бўлиб кетди (фото)

Ирландиянинг Primark мода компаниясининг бу галги рекламасида тери пигментациясининг бузилиши сабаб ўзгача рангга эга бўлган бола иштирок этди, дея хабар беради Metro .

Юз ва тана қисмида камчиликлари бор инсонларни қўллаб-қувватлайдиган Буюк Британиянинг Changing Faces хайрия жамғармаси компанияга ўз миннатдорчилигини билдирди.

Биз Primark рекламасида витилиго хасталигига чалинган ёш моделни кўрганимиздан хурсанд бўлдик. Бундай моделлар инсондаги ташқи кўриниш билан боғлиқ нотўғри фикрларга қарши курашишда ёрдам беради ва ўзликнинг ҳар қандай чиройдан устунлигини исботлайди , деди Changing Faces нинг раҳбари Беки Хьюитт.