Нишонда гиёҳвандлик воситаси савдосига чек қўйилди

Нишонда гиёҳвандлик воситаси савдосига чек қўйилди

2020 йил 14 январь куни тахминан соат 15:15 ларда Нишон туман ИИБ ЖҚБ ходимлари томонидан ўтказилган «Назоратли харид» тадбири давомида 44 ёшли И.О. Нишон туманидан ўтувчи Қарши магистрал каналининг кўприги ёнида тадбирга «харидор» сифатида жалб қилинган фуқарога уч дона «Спички» ёзувли гугурт қутига жойлаштирилган яшил рангли, ўткир ҳидли қуритилган ўсимлик бўлакларини жами 900.000 сўм эвазига сотаётган вақтида ашёвий далиллар билан ушланган.

Бу ҳақда Ўзбекистон Республикаси ИИВ ҳузуридаги Тергов департаменти хабар қилди.

Суд-кимёвий экспертиза хулосасида уч дона «Спички» гугурт қутисидаги модда «МАРИХУАНА» деб номланиши, унинг соф оғирлиги 12,5 граммни ташкил этиши кўрсатилган.

Мазкур ҳолат юзасидан давом эттирилган тезкор-қидирув ҳаракатлари жараёнида, шу куни тахминан соат 20:05 ларда Ш.Р. 5 дона «Спички» ёзувли гугурт қутига жойлаштирилган яшил рангли, ўткир ҳидли қуритилган ўсимлик бўлакларини И.О.га сотаётган вақтида тадбир иштирокчилари томонидан ашёвий далиллар билан ушланган.

Суд-кимёвий экспертиза хулосасида олинган «МАРИХУАНА» гиёҳвандлик воситасининг соф оғирлиги 18,8 гр.га тенглиги аниқланган.

Ҳолат бўйича Нишон тумани ИИБ ҳузуридаги Тергов бўлинмаси томонидан И.О. ва Ш.Р.ларга нисбатан Ўзбекистон Республикаси Жиноят кодексининг 273-моддаси 5-қисми (кўп миқдордаги гиёҳвандлик воситаларини қонунга хилоф равишда ўтказиш) билан жиноят иши қўзғатилиб, уларга нисбатан ушбу модда билан айблов эълон қилинган ва “қамоққа олиш” тарзидаги эҳтиёт чораси қўлланилган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!