«Нима хато қилдикки, бизни жазолашди». «Миллион»чи Миркомил «Миллион»нинг лицензияси олинган йиллар ҳақида гапириб берди (видео)

«Нима хато қилдикки, бизни жазолашди». «Миллион»чи Миркомил «Миллион»нинг лицензияси олинган йиллар ҳақида гапириб берди (видео)

«Миллион» жамоасининг аъзоси Миркомил Мусаев «Дарё» интернет-нашри учун эксклюзив интервью берди. Интервьюни журналист Феруз Муҳаммад ташкиллаштирди.

Суҳбат давомида Миркомил Мусаев жамоанинг 2,5 йил лицензиясиз даври ҳақида гапириб берди.

«Миллион» жамоасининг лицензияси олингани балки тўғри қарор бўлгандир. Ҳеч нарса бесабаб бўлмайди. Бу биз учун дарс бўлган, ўзимизнинг устимизда ишлаганмиз. Қайси қадамларимиз хато бўлганини кўзимизни очиб кўрганмиз. Яна «Нима хато қилдикки, бизни жазолашди. Нимага бошқалар эмас, биз кўзга кўриндик» деган фикр хаёлимиздан ўтган. Лекин ҳамма ўзи учун жавоб бериши керак. Ўша пайт қилган хатоларимиз устида ишладик. Бунга жиддий қарадик. 2,5 йил ичида томошабиннинг кўнгли қолиб кетиши мумкин эди. Ёки бошқа бир жамоа чиқиб, ўз-ўзидан йўқолиб ҳам кетишимиз мумкин эди. Унақа бўлгани йўқ. Астойдил курашдик. Давроннинг ўзи: «Имконимиз борида катта саҳнага қайтайлик, хато бўлган чиқишларимизни тўғирлаб, ишончни оқлайлик», деган мақсадда 2,5 йилдан кейин концерт бердик. Биринчи ўринда томошабинларга раҳмат. Ўзлари хатоларимизни ойна қилиб кўрсатишади. Ўзимиз ҳам анча бошқача фикрлайдиган бўлганмиз. Ёшликда хатоликлар бўлгандир. Лекин ҳозир бошқача. Ёшимизга нисбатанми, ҳаммамизнинг уйимизда ота-оналаримиз бор. Биз қанчалик сиқилган бўлсак, ўша пайт ота-оналаримиз ҳам бирга қайғуришган. Худога шукур, ортда қолди.

Миркомил Мусаев, «Миллион» жамоасининг аъзоси


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!