Навбатдаги бекат — «Маймунчечак». У қандай касаллик?

Навбатдаги бекат — «Маймунчечак». У қандай касаллик?

Эътибор берилса, кейинги вақтлардаги эпидемияларнинг аксарияти вирус табиатли: Парранда гриппи, чўчқа вируси, EBOLA, SARS, SARS-Cov-2, Маймунчечак... Ҳаммаси ВИРУС.

Вирусларнинг геноми (ирсий материали) энг содда тузилган. Содда тушунтирсак, ўлик ва тирик материя ўртасидаги ҳаёт шакли. На тирик, на ўлик. Ҳужайрага киргандан сўнггина ҳаёти бошланади - «тирилади».

Энг содда геномга эгалиги сабаб осонлик билан ўзгартириш қилиш мумкин.

Молекуляр биологияда "минимал геном" деган нарса бор, яъни, яшаш учун керак бўлган минимал сондаги генларни бир тизимга жамлаш мумкин. Бу борада эълон қилинган кўплаб илмий мақолаларни scholar.google'dan топишингиз мумкин.

Чўчқа вирусини олайлик. Одам ва қушларда учрайдиган грипп вирусининг рекомбинациялашуви (ўзаро «чатишиши») дея олимлар хулоса беришганди. Минг йиллар давомида бир-бирини «танимаган» бу вируслар нега энди ХХ аср охирида бирлашиб қолди?

Ёки, ўша машҳур коронавирусни (SARS-Cov-2) олайлик. Нега бирдан XXI асрда ўзини эслатиб қолди? Хитойликлар XXI асргача кўршапалак емаганми?

Хуллас, бундан кейинги янги «таҳрир»даги геномли вируслар сабаб эпидемиялар юзага келиши катта эҳтимол. Бири билан хайрлашсанг иккинчиси эшик қоқиб тураверади.

Табиий геномли вирусларни инсон организми «танийди». Янгиларини "таний олмаяпти", масала шунда.

Бу сафаргиси ҳам аввалги «силсила»нинг давомидир, яна ким билади дейсиз. Яна scholar.google'ni бир варақланг, вируслар устида дунёда иш қизғин, бутун бошли лабораториялар ишлаяпти. Айнан кўршапалакдаги коронавирус (SARS-Cov-2)нинг ўта оғир ҳолатга олиб келиши ҳам нуфузли журналда эълон қилинганини эслатиб қўймоқчиман, холос.

Қизиғи, ушбу журнал бу мақолага қуйидагича изоҳ ҳам ёзганди:

"Editors’ note, March 2020: We are aware that this article is being used as the basis for unverified theories that the novel coronavirus causing COVID-19 was engineered. There is no evidence that this is true; scientists believe that an animal is the most likely source of the coronavirus."

Тасодифлар тасодиф бўлмаса керак, яна Худо билади.

Бахтиёр Абдуғафур


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!