НАТО Европанинг энг заиф жойи – Руминия қирғоқларини мустаҳкамлашга интилмоқда
Россия таҳдидига қарши туриш учун НАТО Европанинг энг заиф жойи – Руминиянинг Қора денгиз соҳилидаги чегараларини мустаҳкамлашга интилмоқда, деб ёзади Bloomberg.
Қайд этилишича, айни пайтда Франция, Бельгия ва Нидерландиядан келган 200 га яқин алянс аскарлари Руминия Трансилваниясида муҳандислик ишлари билан фаол шуғулланмоқда.
Материалда айтилишича, Россиянинг Украинада махсус операцияси бошланганидан кейин НАТО давлатлари Европанинг энг қашшоқ минтақаларидан бирининг бу қадар ҳимоясиз қолишига йўл қўймасликка қатъий қарор қилган.
Стратфорнинг хавфсизлик бўйича таҳлилчиси Метю Оррага кўра, Москва Жануби-Шарқий Европага устувор аҳамият беради ва у ерда кучли ҳарбий мавжуд бўлишни хоҳлайди. Орранинг қайд этишича, НАТО бунга жавоб бериши керак.
Аввалроқ, Қўшма Штатлар "НАТОнинг шарқий қанотини ҳимоя қилиш" учун Европа мамлакатларига элита 101-ҳаво-десант дивизиясини жойлаштиришга қарор қилгани маълум бўлган эди.
