Нақшбандия уламолари Ўзбекистон бўйлаб сафар қилмоқда

Нақшбандия уламолари Ўзбекистон бўйлаб сафар қилмоқда

Шу кунларда Ўзбекистонда бўлиб ўтаётган “Нақшбандия сайёҳлик фестивали”да иштирок этиш мақсадида Ўзбекистонга бутун дунёдан сўфийлар жамланишган, деб хабар қилмоқда Тошкент шаҳар ҳокимияти матбуот хизмати.

"Малайзия, Бангладеш, Хитой, Франция ва бошқа давлатлардан келган 200 га яқин Нақшбандия тариқатининг уламолари  Тошкентдаги Ҳазрати Имом мажмуасидаги Усмон Мусҳафи, Бухородаги Етти Пир мажмуаси, Самарқанддаги Имом Бухорий мажмуаларини зиёрат қилмоқдалар”, - дейилган хабарда. 

Тошкент шаҳар туризмни ривожлантириш департаменти мутахассислари меҳмонларга амалий кўмак бермоқда, дейилган хабарда.

Малайзиядан жойлашган “Жаҳон сўфийлари маркази” ушбу мамлакатда жойлашган Ўзбекистон элчихонаси билан ҳамкорликда 7-12 ноябр кунлари Ўзбекистонда “Нақшбандия сайёҳлик фестивали” ташкил қилаётгани ҳақида олдин хабар берган эдик.  

Эслатиб ўтамиз, Нақшбандия – бу сўфийлар тариқати (биродарлиги) бўлиб, у динда камтаринликни, махфий зикр ва илоҳий муҳаббатни тарғиб қилади. Тариқатга 14 асрда Бухорода яшаган Муҳаммад Баҳовуддин Нақшбандий номи берилган.

Нақшбандийлик таълимотининг асосида "кўнгил Худода бўлсин-у, қўл иш билан банд бўлсин" шиори ётади. Унга кўра, дилни Аллоҳ билан боғлаган ҳодда касбу ҳунар ва қўл меҳнатини асло тарк етмаслик керак. Хайр-эҳсон ҳисобига фақирона яшаш эмас, ўз меҳнати ҳисобига ҳаёт кечириш лозим.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!