Наполеон вафот этган хонанинг калити 112 минг долларга сотилди
Франция императори Наполеон Бонапарт сургунда Авлиё Елена шаҳрида вафот этган хонанинг калити “Sotheby's”да деярли 112 минг долларга сотилди, деб хабар берди кимошди савдоси уйи веб-сайти.
Таъкидланишича, калит билан бирга: “Наполеон вафот этган Лонгвуддаги хонанинг калити ва мен шахсан уни қулфдан олиб чиққанман. Ч.Р. Фокс, Авлиё Елена, 1822 йил 6 сентябрь", деб ёзилган кичик мактуб ҳам сотилган.
Ушбу калит Шотландиядаги уйлардан биридаги жамадондан топилган. Британия оммавий ахборот воситаларининг хабарларига кўра, калит эгаси бўлган оила унинг мавжудлигини билган, аммо топа олмаган.
Аввалроқ калитнинг эгаси Наполеоннинг мухлиси, инглиз ҳарбий хизматчиси Чарльз Ричард Фокснинг онаси бўган. Айнан у Шотландияга калитни олиб келиб, онасига совға қилган.
Маълум қилинишича, дастлабки баҳоси 4-7 минг долларни ташкил этган калит деярли 16 баравар қимматроқ сотилган.
