Наманганда ўн икки киши ёнғиндан қутқарилди (фото)
Наманган шаҳрининг Янги тонг маҳалласида жойлашган тўрт қаватли уйнинг учини қаватидаги хонадонлардан бирида электр симининг қисқа туташуви натижасида ёнғин содир бўлди. Оқибатда хонадондаги уй жиҳозлари ва бошқа буюмлар ёниб кетган.
Аянчлиси ёнғин туфайли мазкур уйнинг тўртинчи қаватида яшовчи аҳоли вакиллари ўзлари мустақил равишда уйларини тарк этиб, кўчага чиқа олмаган.
Ички ишлар вазирлиги ёнғин хавфсизлиги бош бошқармаси хабарига кўра, воқеа жойига зудлик билан етиб келган ўт ўчирувчилар ёнғинни бартараф этиш баробарида махсус техника ёрдамида юқори қаватдаги 4 хонадонда бўлган жами 12 нафар шахсни ёнғиндан қутқарди. Улар орасида 1 нафар ногирон, 1 нафар 6 ойлик гўдак, 9 нафар аёл ва 1 нафар эркак бўлган.
Ёнғин қисқа муддатда бартараф этилган, унда фуқаролар жабрланмаган.
Manba: uza.uz
