Наманганда поезд ва Lacetti тўқнашди. Ҳайдовчининг оиласи вафот этди

Наманган вилояти ИИБ ЙҲХБ берган видео маълумотга кўра, поезд билан "Ласетти"нинг тўқнашуви аянчли якун топди.

Ҳалокат 25 ноябрь куни содир бўлган. Қўриқланмайдиган темир йўл кесишмасидан ўтаётган машина Андижондан келаётган юк поезди билан тўқнашган. Оқибатда "Ласетти" ҳайдовчисининг оиласи вафот этган. 

Ҳолатни ўрганишга тўпланган мутахассислар фалокатнинг сабабини ҳайдовчининг бепарволиги ҳамда масъулларнинг эътиборсизлиги ва йўлни ёритилмагани, керакли жиҳозлар ўрнатилмаганлиги билан боғлашди.