Наманганда автомашина каналга тушиб кетди, ҳайдовчи ҳалок бўлди!

Наманганда автомашина каналга тушиб кетди, ҳайдовчи ҳалок бўлди!

ЙТҲ натижасида фуқаронинг ҳалок бўлиши билан боғлиқ вазият 10 сентябрь куни Наманган вилоятининг Чортоқ туманида содир бўлган.

Кескин бурилишда "КОБAЛТ" автомашинасининг ҳайдовчиси бошқарувни йўқотиб, автомобиль бир неча марта ағдарилган ва яқин атрофдаги “Наманган” каналига тушиб кетган. Aвтомобил ағдарилган вақтдаги куч ҳайдовчини машинадан улоқтириб юборган ва у воқеа жойида вафот этган.

Шунингдек, машина салонида яна бир нафар аёл киши бўлган. У сув остида қолган машинадан хавфсиз чиқиб кетишга муваффақ бўлган. Бир неча дақиқадан сўнг воқеа жойига Наманган вилояти Фавқулодда вазиятлар бошқармаси қутқарувчилари етиб келиб, тегишли амалий чоралар кўрилди. Жабрланувчи касалхонага етказилди. Машина эса махсус техникалар ёрдамида каналдан олиб чиқилган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!