Наманганда 10 нафар фуқарони алдаган аёллар қўлга тушди

Наманганда 10 нафар фуқарони алдаган аёллар қўлга тушди

Наманган. 2019 йилнинг ноябрь ойидан декабрь ойигача бўлган вақт оралиғида Тўрақўрғон туманида 34 ёшли А.О. ва 41 ёшли У.Х., лар олдиндан жиноий тил бириктириб, 10 нафар фуқароларга кредит олиб беришни ваъда қилиб, алдаб уларнинг номларига иш ҳақи тўғрисида сохта маълумотнома тайёрлаб, 10 нафар фуқаронинг номига жами бўлиб 134.033.396 сўмлик маиший техника воситаларини қўлга киритиб, ушбу техника воситаларини сотиб юбориб, пулларини ўзларининг шахсий эҳтиёжлари йўлида ишлатиб юборганлар.

Мазкур ҳолат юзасидан Тўрақўрғон тумани ИИБ ҳузуридаги Тергов бўлими томонидан Ўзбекистон Республикаси Жиноят кодексининг 168-моддаси 3-қисми “б” банди (фирибгарлик) ва 228-моддаси 2-қисми “б” банди (ҳужжатларни қалбакиллаштириш) билан жиноят иши қўзғатилган, етказилган зарарни ундириш чоралари кўрилмоқда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!