Наҳотки! Япония императори мистик маросимда иштирок этди

Маросим қабри ўш ерда жойлашган бўлиши мумккин дея, тахмин қилинадиган афсонавий император Дзимму мақабараси олдида бўлиб ўтди. Бу император Японияда монархлар сулоласининг асосчиси ҳисобланади.

Мамлакат императори Акихито тахтдан воз кечиш муносабати билан мистик маросим ўтказди. Бу ҳақда Kyodo хабар берди.

Маълум қилинишича, император ҳаммаси бўлиб, 11 та маросим ўтказиши керак. У 12 мартдан буён ушбу маросимларда иштирок этиб келмоқда.

Хабар қилинишича, 30 апрелга ўтар кечаси тахтдан воз кечиш маросими бўлиб ўтади.

1 майда эса тахтга шаҳзода Нарухито ўтиради. Шундан сўнг дарҳол августга қадар давом этадиган байрамлар бошланади.