Наҳотки? Шифокорлар маҳбусларнинг тана аъзоларини пуллаб юборишган

Австралиялик олимларнинг фикрича, хитойлик шифокорлар инсон органлари орқали нафақат тадқиқот ўтказишган, балки, яхшигина пул ҳам ишлашган.

Австралиянинг Маккуори университети олимларининг фикрича, хитойлик тадқиқотчилар маҳбусларнинг жасадларидан ноқонуний тарзда олинган органлардан фойдаланишган. Катта эҳтимол билан бу йўлда Хитой Халқ республикасини танқид остига олган сиёсий маҳбуслар қурбонга айланган.

Австралиялик тадқиқотчиларнинг таъкидлашича, бундай шубҳалар ўтган асрнинг 90-йиллари охирида пайдо бўлган ва кейинроқ далиллар ҳам қўлга киритилган. Чиндан ҳам сиёсий маҳбусларнинг жасадидан касалликларга қарши кураш йўлида тадқиқот ўтказиш учун ноқонуний фойдаланилган ва тана аъзолари яхшигина даромад келтирган.