Наҳотки? Эктор Купер Фаластин бош мураббийисини ҳам йиғлата олди...
Афсуски, Ўзбекистон терма жамоаси ЖЧ саралаш босқичини 0:2 ҳисобидаги мағлубият билан бошлади. Ўйиндан кейинги матбуот анжуманида Фаластин бош мураббийи Нуриддин Оулд Али кўз ёшларини тутиб тура олмай йиғлаб юборди. Унинг фикрлари қуйидагича бўлди:
- Мен қўлга киртилган муҳим ғалаба билан бутун Фаластин халқини табриклайман. Бу ғалаба халқники, азиз мухлисларники (Шундан сўнг йиғлаб юборди, залда қарсаклар). Биз ғалаба учун бор кучимизни бериб ҳаракат қилдик, чунки ютишни жуда-жуда хоҳлагандик. Ҳамма футболчилар бир мақсад йўлида ҳаракат қилишди. Бугун ҳамма ўзини зўр кўрсатди.
- Жамоамиз ғалаба қозонишига қанчалик ишонгандингиз?
- Мен мураббий сифатида доим ижобий натижадан умид қилишим керак. Ўйиндан олдин бизни қўллаб турганлар ҳам, танқид қилганлар ҳам бўлди. Мен Жазоирдан келиб ишлаётган мураббийман ва хорижлик мураббий сифатида натижа кўрсатишга ҳаракат қиламан. Агар кейинги учрашувларни ҳам яхши якунласак, бундан ҳаммамиз хурсанд бўламиз. Биз ҳар бир рақибни ҳурмат қилган ҳолда ўйнаймиз.
- Ўзбекистон - кучли жамоа, лекин бугун Фаластиннинг омади келди. Кейинги ўйинларда янада яхшироғига умид қилсак бўладими?
- "Энг муҳими, футболда асло тўхтаб қолиш керак эмас. Битта ғалабадан кейин умуман ҳаволаниб кетмаслик лозим. Ҳали олдинда ўйинлар кўп ва ҳар бир баҳсга ниҳоятда жиддий қараш лозим."
Браво жуда тўғри ва ақлли фикрлар,Барча мамлакатларда футбол ривожланмоқда,лекин бизда эса ривожланиш афсуски,салбий тарафга қараб кетмоқда,биз Купер жанобларига ишонган эдик,тан олайлик Ўзбекистон терма жамоаси осия чемпионатида ҳам фақат Туркманистон билан яхши ўйин кўрсата олди,қолган ўйинларда ўша-ўша аҳвол эдику,лекин бугунги ўйин орқали камчиликлар кўриниб қолди,балким,Фаластин терма жамоаси биз учун ноқулай рақибдир,лекин бизга қайси рақиб қулай буни билмай қолдик.Фаластин терма жамоаси билан шундай шармандали ўйин намойиш қилиб турган бўлсак, Саудия Арабистон терма жамоаси билан ўйинни тассавур қилишга қорқаман,Эҳ Купер,шунча халқнинг пулидан оляпсан,оқлагин,халқимиз сенга ишонган эди,лекин сен бизни Жаҳон чемпионатига олиб чиқишдан кўра пулларни йиғиб юртингга қайтиб кетишинг ҳақиқатга айланмоқда.
