Наҳотки! Арктика музликларининг эриши "қора ўлим"нинг тарқалишига олиб келади

Мутахассисларнинг фикрига кўра, Арктика музликларининг эриши "қора ўлим" (минглаб йиллар давомида музликлар ичида яшириниб келган энг даҳшатли вирус)нинг тарқалишига олиб келади. Хусусан, шимолий кенгликда яшовчи одамлар энг кўп хавф остидагилардан.

“Daily Star” ахборотига кўра, вирус микробларни қитъаларга тарқатади. Айнан бугунгидек ҳароратнинг сезиларли даражада ошиши 14 асрда вабо эпидемиясига олиб келган эди.

Оксфорд университети олими Питер Франкопан музнинг бундай фаол эриб бораётганидан ташвишда. Унинг таъкидлашича, ҳолат шу тарзда давом этадиган бўлса, одамзот ўлатдан кўра даҳшатлироқ хавфга дуч келиши муқаррар.