Наҳотки! Ангела Меркель “йўқолди”

Германиянинг федерал канцлери Ангела Меркель деярли бир ҳафта мобайнида оммага кўринмади, дея ёзади “Bild”.

Нашр маълумотларига кўра, ўтган ҳафта Меркель турмуш ўртоғи Йоахим Зауэр билан бирга Байрейтск фестивалига ташриф буюрган. Аммо канцлернинг эри итальян курортига ёлғиз жўнаб кетган.

Хабарларга қараганда, Ангела Меркелнинг иш жадвали август ойида бўш бўлганлиги боис у ҳеч қандай мажлисларда иштирок этмаган.

Мамлакат ҳукумати канцлернинг ҳамон ишлаётгани ва улар билан алоқада эканлигини таъкидлади. Бироқ баъзи нашрлар Меркелнинг таътилга чиққанлигини илгари сурмоқда.