Мухтор Аблязов: "Путин Совет Иттифоқини қайта тиклашга интилмоқда"

Қозоғистоннинг собиқ энергетика, саноат ва савдо вазири, ҳозирда ўзини қозоқ мухолифатининг етакчиси деб эълон қилган Мухтор Аблязов "Reuters" агентлигига, Ғарб аралашиб, Қозоғистонни Москванинг таъсир орбитасидан олиб чиқиши кераклигини, акс ҳолда Владимир Путин Марказий Осиёни Совет Иттифоқига ўхшаш тузилмага тортиб кетишини айтди.

"Қозоғистон демократик танлови" мухолифат ҳаракати раҳбари Мухтор Аблязов қуйидагиларни таъкидлади:

— Ғарб Қозоғистонга ёрдам бериши керак, Хитой Қозоғистон ҳукуматини қўллаб-қувватлайди;

— Путин янги Совет Иттифоқини яратишга интилмоқда;

— Ғарб намойишларни молиялаштиргани йўқ;

— Ғарб Қозоғистонда Россияга қарши туриши керак;

— Россия аллақачон кириб бўлди, қўшин киритди. КХШТ — бу Россия. Бу ҳолат Россия босқини.

Аблязовга қочқин мақоми берилган бўлиб, у ҳозир Францияда яшайди.