Мутахассис нима учун айрим одамлар коронавирус билан зарарланмаслигини айтди
Бошқа турдаги коронавирус билан зарарланган, яқин орада вирусли инфекцияга чалинган ёки маҳаллий иммунитетга эга бўлган айрим одамлар «Covid-19»ни юқтирмаслиги мумкин.
Ушбу фикрларни Россия Халқлар дўстлиги университети юқумли касалликлар кафедраси доценти, тиббиёт фанлари номзоди Сергей Вознесенский айтиб ўтди.
Вознесенскийнинг таъкидлашича, «Covid-19»нинг юқмаслиги сабабларидан бири бу бошқа коронавируслар томонидан келиб чиққан касалликнинг ўтган эпизоди, яъни ўзаро фаолият иммунитет мавжудлигидир. Эҳтимол, одам аллақачон вирусли инфекцияни бошдан кечирган бўлиши мумкин. Шундан кейин унинг интерферон даражаси кўтарилган.
«Бундан ташқари, иммунитетнинг маҳаллий элементлари ҳам бунда муҳим аҳамиятга эга. Бу ерда нафас йўлларининг шиллиқ қаватига вируснинг кириб келишига тўсқинлик қиладиган иммунитет комплекслари ҳақида гап бормоқда», дейди мутахассис.
