Moderna компанияси: Бизда вакцина 32 доллардан 37 долларгача. Фақат...

Moderna компанияси: Бизда вакцина  32 доллардан 37 долларгача. Фақат...

5 август чоршанба куни АҚШдаги Moderna компанияси ўзи яратаётган вакцинанинг нархи, агар у озроқ миқдорда буюртма қилинса, 32 доллардан 37 долларгача бўлишини маълум қилди.

Ҳозирда дунёда вакцина ишлаб чиқариш бўйича пойга ўзининг ҳал қилувчи палласига кириб келар экан, вакциналарнинг нархи қанча бўлиши давлатлар томонидан синчиклаб ўрганилмоқда.

“Биз пандемия даврида вакцинанинг нархи ўзининг асл қийматидан анча паст бўлишига жавобгар бўламиз” дейди Modernaнинг Бош ижрочи директори Стефани Бансел.

Унинг қўшимча қилишича, агар буюртмалар ҳажми каттароқ бўлса, вакцина нархи ҳам арзонроқ бўлади.

Ўтган ойда АҚШ ҳукумати Pfizer ва униг ҳамкори BioNTech компанияларининг синовлардаги вакциналарини 50 миллион нафар америкаликка етарли бўлган миқдорда сотиб олиш бўйича келишувга эришганди. Ушбу вакцинанинг ҳар бир киши учун етарли дозаси 40 доллар атрофида баҳоланган.

Moderna компаниясининг ҳар бир одам икки марта эмланиши керак бўлган вакцинаси 64 доллардан 74 доллар оралиғида бўлади. Компания ҳозиргача вакцина яратиш ишларини тезлатиш учун АҚШ ҳукуматидан 1 миллиард долларга яқин маблағни олган.

Ҳозирда Moderna компаниясининг вакцинаси охирги синов босқичига етиб келди. Вакцинанинг 30 минг киши қатнашадиган сўнгги текширувлари учун кўнгилларни танлаб олиш сентябрь ойида якунланади.

Moderna компанияси ўтган ойда вакцина нархи кўпчиликнинг сотиб олишга имкони етадиган даражада бўлишини айтганди. Шунингдек, ушбу компания вакцина синовларининг сўнгги босқичини АҚШдан бошқа мамлакатларда ўтказишни мақсад қилмаётганини ҳам маълум қилган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!