Мирзо-Улуғбек туманидаги темир йўлда аёл киши ҳалок бўлди. Бош прокуратура расмий маълумот берди

2018 йил 13 сентябрь куни соат 08:00ларда Тошкент шаҳри, Мирзо-Улуғбек тумани, Боғишамол кўчаси, «Салар-Ялонғоч» бекатлари оралиғининг 4-километр 9-пикетида «Тошкент-Хожикент» йўналиши бўйича ҳаракатланиб келаётган 6429-сонли электропоезд қулоғида қулоқчини бўлган ҳолда темир йўлни кесиб ўтаётган Л.ни (1966 й.т. аёл) уриб юборган.

Бош прокуратура матбуот хизмати хабарида айтилишича, аёл олган тан жароҳатлари натижасида ҳодиса жойида вафот этган.

Мазкур ҳолат юзасидан Тошкент транспорт прокуратураси томонидан терговга қадар текширув ҳаракатлари олиб борилмоқда.

Manba: kun. uz