Минглаб одамлар Уэльс мустақиллиги учун намойишга чиқди

Кардиффда бир неча минг киши иштирокида Уэльс мустақиллиги учун митинг бўлиб ўтди.

Wales Online портали хабарига кўра, тадбир тушда бўлиб ўтган: иштирокчилар байроқлар ва “Мустақиллик” ёзуви туширилган плакатлар билан шаҳар марказига боришган.

Қайд этилишича, митингда “Тахтлар ўйини”нинг олдинги қисми бўлган “Аждаҳо уйи” телесериалида суратга тушган британиялик актёр Жулиан Льюис Жонс нутқ сўзлаган.

28 июнь куни Шотландия биринчи вазири Никола Стуржён ҳукуматнинг 2023 йил 19 октябрда минтақа мустақиллиги бўйича референдум ўтказиш нияти борлигини маълум қилди.