Миллий, ирқий, этник ёки диний адоватни тарғиб қилувчи материалларни тарқатганга қандай жазо берилади?

 Миллий, ирқий, этник ёки диний адоватни тарғиб қилувчи материалларни тарқатиш:
? фуқароларга 9 млн 215 минг сўмдан 18 млн 430 минг сўмгача жарима;
? мансабдор шахсларга 18 млн 430 минг сўмдан 27 млн 645 минг сўмгача жарима солинишига ёки 15 суткагача маъмурий қамоққа олишга сабаб бўлади.

❗️ Маъмурий жазо қўллангандан кейин миллий, ирқий, этник ёки диний адоват қўзғатиш бўйича ҳаракатлар давом эттириладиган бўлса, қуйидаги жиноий жазолардан бири қўлланилиши мумкин:
? 110 млн 580 минг сўмгача жарима;
? уч йилгача ахлоқ тузатиш ишлари; 
? бир йилдан уч йилгача озодликни чеклаш;
? уч йилгача озодликдан маҳрум қилиш.

❗️ Миллий, ирқий, этник ёки диний мансублигига қараб, аҳоли гуруҳларига нисбатан адоват, муросасизлик ёки нифоқ келтириб чиқариш мақсадида миллий шаън-шараф ва қадр-қимматни камситишга, диний эътиқодига ёки дахрийлигига қараб, фуқароларнинг ҳис-туйғуларини ҳақоратлашга қаратилган қасддан қилинган ҳаракатлар, шунингдек, миллий, ирқий, этник мансублиги ёки динга муносабатига қараб ҳуқуқларни чеклаш ёхуд афзалликлар бериш:
? икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади.