«Мeйвезер билан жанг қил ёки нафақага чиқ!»

Бокснинг фахрий промоутери Боб Арум Менни Пакяо агар Флойд Мейвезер билан жанг қилмаса,  тез орада спортдан кетиши керак,  деб ҳисоблаяпти.

Арум Пакяонинг олтин йилларида унга промоутерлик қилган. У Wоrld Boxing News веб-сайтига берган интервьюсида 40 ёшли Филипинлик боксчини тез орада фаолиятини якунлаши кераклигини айтди. Бунга сабаб Пакяонинг ёши ва унда келиб чиқиши мумкин бўлган соғлиқдаги муаммолардир.

«У жуда яхши инсон,  ҳақиқатдан ҳам яхши йигит,  ғоят сахий ва ёқимли. Аммо у деярли 41 ёшда.  Агар сиз 41 ёшга кирсангиз, Сурман билан жангдаги каби зарбаларга дош беролмайсиз. Албатта, у бу жангда ғалаба қозонди,  лекин у жуда кўп зарба қабул қилиб олди. Бу унинг қолган ҳаётига қандай таъсир қилади», дейди у. Июль ойида WBА вазн тоифасини қўлга киритиш учун Кейт Сурман билан 12 раундли жангда ғалаба қозонган Пакяо ўзининг навбатдаги жангини режалаштирмаган.

Маълумот ўрнида, нафақага чиққан Майвезер 2015 йилдаги «Аср жанги»да Пакяони ҳакамларнинг шубҳали ҳисоби билан мағлубиятга учратган.