Мессининг мухлисларига мурожаати: «Хатоларим учун ўзим жавобгарман. Мендан шубҳаланманг»
«Барселона» ҳужумчиси Лионель Месси «кўк-анорранглилар» мухлисларига мурожаат қилиб, клубдан кетиши мумкин бўлган вазият ҳақида фикр билдирди.
«Шунча келишмовчиликлардан сўнг, буларнинг барчасига чек қўйишни истадим. «Барселона»нинг мухлислари бирлашишлари ва энг яхшиси ҳали олдинда эканлигига ишонишлари керак. Хатоларим учун ўзим жавобгарман. Кетмоқчи бўлганим эса фақат клубни яхшироқ ва кучлироқ қилиш учун эди.
Иштиёқ ва ғайрат уйғунлиги – мақсадга эришишнинг ягона йўли. «Барселона» мухлисларига мурожаат қилмоқчиман: агар айтган бирон гапим ёки қилган ишим кимнидир кўнглини оғритса, мендан шубҳаланманг. Мен доим клуб учун энг яхши нарсалар ҳақида ўйлаб, шундай қилганман», – деди Месси.
Эслатиб ўтамиз, 33 ёшли аргентиналик ўтган мавсум якунига етгач, жамоани тарк этиш ниятини билдирди. «Барселона» футболчинининг шартномаси ва 700 млн евро товон пули борлигини сабаб қилиб, уни жамоада олиб қолди.
