Месси — Европанинг энг самарали футболчиси, Силва ва Дибала кучли учликда, Роналду эса ўнликда ҳам йўқ

CIES Football Observatory статистика компанияси Европанинг Топ-5 лигаси футболчилари ўйинининг самарадорлиги ва сифати бўйича рейтингни эълон қилди, деб ёзади «Спорт-Экспресс»га асосланиб Дарё нашри.

Унга камида 20 та ўйин (1800 дақиқа) ўтказган футболчилар кирди. Германия чемпионати учун бироз камроқ— 16 та ўйин (1440 дақиқа) белгиланди. Натижада жароҳати туфайли 1797 дақиқа ўйнаган ПСЖ ҳужумчиси Неймар бу рейтингга кирмай қолди.

Европанинг энг самарали футболчилари рўйхатини «Барселона» ҳужумчиси Лионель Месси бошқармоқда — 92,12 балл. Иккинчи ўринда «Манчестер Сити» ярим ҳимоячиси Давид Силва бормоқда — 91,69. Кучли учликни «Ювентус» ҳужумчиси Пауло Дибала якунлаб берган — 91,37 балл.

«Реал» ҳужумчиси Криштиану Роналду эса 16-ўринни эгаллаган — 88,58 балл.

Топ-20:

• 1. Лионель Месси — 92.12

• 2. Давид Силва — 91.69

• 3. Пауло Дибала — 91.37

• 4. Серхио Агуэро — 90.48

• 5. Николас Отаменди — 90.47

• 6. Муҳаммад Салоҳ — 90.45

• 7. Фернандиньо — 90.45

• 8. Кевин Де Брюйне — 90.14

• 9. Раҳим Стерлинг — 89.76

• 10. Роберт Левандовски — 89.61

• 11. Калиду Кулибали — 89.17

• 12. Ҳарри Кейн — 89.02

• 13. Хамес Родригес — 88.97

• 14. Жоржиньо — 88.74

• 15. Миралем Пьянич — 88.65

• 16. Криштиану Роналду — 88.58

• 17. Лоренцо Инсинье — 88.58

• 18. Марек Гамшик — 88.53

• 19. Рауль Альбиоль — 88.46

• 20. Иван Ракитич — 88.18